आज्ञा खबर
सर्लाही
प्रहरी सर्लाहीक हरिपुर्वा नगरपालिका–५ सँ बिहिवार दोपहर ४५ वर्षक रुपेश साह आ हुनक ३५ वर्षक पत्नी प्रतिमाकुमारी साह केँ लागूपदार्थ गाँजा संगे गिरफ्तार कएलक।
प्रहरीक अनुसार, दम्पति अपन घरमे छिपा कऽ राखल २० केजी ३ सय४० ग्राम गाँजा बरामद भेल अछि। जिल्ला प्रहरी कार्यालय सर्लाहीक प्रवक्ता आ डीएसपी सरोज राईके कहल अनुसार, “प्रहरी केँ सूचना भेटलाक बाद तुरंत पुलिस टोली परिचालित कएल गेल। घरक तलाशी मे छत पर प्लास्टिक सँ लपेट कऽ राखल गाँजा मिलल गेल।”
एहि तरहें दम्पतिक घर पर छापा मारबा मे प्रहरी सहायक निरीक्षक शेख हफ्जुल्लाह, प्रहरी निरीक्षक उमाकान्त जोशी आ प्रहरी निरीक्षक रवीन्द्र कार्कीक नेतृत्व मे २६ गोटे पुलिसक टोली सक्रिय छल।
गिरफ्तार दम्पति आ बरामद गाँजा केँ आवश्यक कारवाई लेल जिल्ला प्रहरी कार्यालय मलङ्गवामे लऽ जाएल गेल अछि।
