आज्ञा खबर
बारा
बारागढी गाउँपालिका के अध्यक्ष निरज साह तेली के बृहश्पत राईत निधन भ’ गेल अछि। ४६ बरखक तेली दीर्घ दिन सँ क्यान्सर सँ पीडÞित रहलथिन आ वीरगंज स्थित नेसनल मेडिकल कलेजमे उपचार के क्रममे हुनकर मृत्यु भ’ गेल।
तेली के काका आ बारा उद्योग वाणिज्य संघ के अध्यक्ष राजकुमार साह के अनुसार पछिला किछु महीना सँ हुनकर स्वास्थ्य अवस्था कमजोर होइत गेल रहए। डॉक्टरक निरन्तर उपचारक बाबजूदो हुनका बचाओल नहि जा सकल।
तेली स्थानीय राजनीति मे सक्रिय आ परिचित व्यक्ति रहथिन। स्थानीय सरकार के पहिल कार्यकालमे ओ जनता समाजवादी पार्टी (जसपा) सँ वडा अध्यक्ष बनल रहथिन, आ दोसर कार्यकालमे नेपाली कांग्रेसक टिकट सँ गाउँपालिकाक अध्यक्ष पदमे पुनः निर्वाचित भयल रहथिन।
ओ सामाजिक सेवा मे सेहो सदैव अग्रसर रहथिन। स्वास्थ्य आ पूर्वाधार विकासक कार्यक्रम आगू बढ़ेबामे हुनकर योगदान उल्लेखनीय रहल।
ओ अपन पाछाँ पत्नी, दुटा बेटी आ एक बेटा छोडक गेलथिन।
स्थानीय लोकनि हुनकर निधन पर गहिर दुख व्यक्त कए रहल छथि आ हुनका सेवाभावी जनप्रतिनिधि केर रूपमे याद कए रहल छथि।