विवाहपञ्चमी महोत्सवके तैयारी तीव्र, व्यवस्थापनके लेल समिति गठन

 

आज्ञा खबर

जनकपुर

अगिला अगहन २३ गतेसँ जनकपुरधाममे सुरु हुअबला सप्ताहव्यापी श्रीराम जानकी विवाहपञ्चमी महामहोत्सवके व्यवस्थापनक लेल विभिन्न समिति गठन कएल गेल अइछ ।

महोत्सवकेँ भव्य, व्यवस्थित आ सुरक्षित बनेबाक लेल जानकी मन्दिर शान्ति सुरक्षा, प्रचारप्रसार, बजार व्यवस्थापन, रङ्गभूमि मैदान तथा प्रवेशद्वार व्यवस्थापन, पण्डाल निर्माण, ट्राफिक, पिबैबला पाइन आ विद्युत व्यवस्थापनलगायतक विषयमे अलग–अलग समिति गठन केलक अइछ । महोत्सवक तैयारीबारे वृहस्पैतदिन मन्दिर परिसरमे आयोजित सर्वपक्षीय बैसारसँ समिति गठन क जिमेवारी बाँडफाँट करबाक निर्णय कएल गेल ।

अइ सालके महोत्सवकेँ वितल सालसँ थप व्यवस्थित आ भव्य बनेबाक उद्देश्यसँ बैसार आयोजन कएल गेल छल । जानकी मन्दिरके महन्थ रामतपेश्वर दास वैष्णवके अगुवाइ तथा उत्तराधिकारी महन्थ रामरोशन दास वैष्णवके संयोजनमे सम्पन्न बैसारमे उत्तराधिकारी महन्थ दास महोत्सव सफल बनेबाक आवश्यक तैयारी आगु बढ़ाएल गेल बतौलैन ।

महोत्सवकेँ व्यवस्थित बनेबाक लेल स्थानीय प्रशासन, सुरक्षा निकाय, स्थानीय तह तथा सम्बन्धित सरोकारवाला निकाय बीच प्रभावकारी समवंय आ सहकार्य आवश्यक रहल ओ बतौलैन । विवाहपञ्चमी महोत्सवमे सहभागी होबाक लेल नेपालके विभिन्न जिला तथा भारतके अयोध्यासहितक स्थानसँ हजारो साधुसन्त आ श्रद्धालु जनकपुरधाम एबाक कारण ओकरासभक स्वागत, आवास, सुरक्षा आ आवागमनकेँ सहज बनेबाक विषयकेँ बैसारसँ प्राथमिकता देल गेल अइछ । बैसारमे धार्मिक सङ्घसंस्था, नागरिक समाज, जनप्रतिनिधि, सुरक्षा निकाय, सञ्चार क्षेत्र तथा विभिन्न सरकारी कार्यालयके प्रतिनिधिके सहभागिता छल । (रासस)

 

 

  • लोड हुँदैछ...
  • Loading...
  • लोड हुँदैछ...