आज्ञा खबर
काठमाण्डू
विश्व स्वास्थ्य सङ्गठन (डब्ल्युएचओ), राष्ट्रसंघीय बाल कोष (युनिसेफ), स्वास्थ्य मन्त्रालय तथा विभिन्न देशक संस्थाके सहयोगमे अगष्टके पहिल सप्ताहमे विश्व स्तनपान सप्ताह आइसँ शुरू भेल अइछ । अइ साल ‘जीवनके दीर्घकालिन शुरूआतक लेल स्तनपानः प्रभावकारी अभ्यासकेँ आओर सुदृढ बनाउ ’ नारासँ सप्ताह मनाबैत अइछ।
अभियान स्तनपान प्रवर्द्धनक लेल प्रभावकारी अभ्यासकेँ निरन्तरता दैत माए आ नवजात शिशुकेँ स्वास्थ्य प्रणाली, समुदाय, कार्यस्थल तथा सरकारी नीतिमार्फत सहयोग करबाक चाही ताहिपर जोड़ देल गेल अइछ । डब्ल्युएचओ अनुसार विश्वके विभिन्न देशमे अखनो बहुत माए आ परिवार स्तनपानकेँ सहज बनेबाक आवश्यक लेल स्वास्थ्य सेवा, आ परामर्श प्राप्त नै क सकल छै । तइयो स्तनपान शिशुके स्वास्थ्य संरक्षण करबाक सबसँ सरल आ प्रभावकारी उपायमध्ये एक छी ।
अइसँ शिशुकेँ आवश्यक पोषण सङे रोग प्रतिरोधात्मक क्षमता बढ़ाएब, गम्भीर रोगसँ बचेबाक तथा मस्तिष्कके विकासमे महत्वपूर्ण योगदान दैत छै । अइ सालके डब्ल्युएचओ आ युनिसेफ मातृ तथा नवजात शिशुक लेल गुणस्तरीय स्तनपान सेवा विस्तार, समुदायमे आधारित परामर्श कार्यक्रम सुदृढ बनाएब, माएके दूधके विकल्पमे प्रयोग होएबला उत्पादनके अन्तर्राष्ट्रीय आचारसंहिताके प्रभावकारी कार्यान्वयन, सशुल्क प्रसूतिमे छुट आ स्तनपानमैत्री कार्यस्थल सुनिश्चित करबाक लेल सब देशकेँ आग्रह केलक अइछ । (रासस)
