आज्ञा खबर
जनकपुरधाम
मधेश प्रदेश जनस्वास्थ्य प्रयोगशाला पूर्ण क्षमतामे सेवा सञ्चालन भेलाक बाद स्थानीयकेँ निजी प्रयोगशालासँ न्यूनतम शुल्कमे स्वास्थ्य परीक्षण करेबाक लेल सहज भेल अइछ । बोलपत्र प्रक्रियामार्फत दवाइ तथा केमिकल खरिद भेलाक बाद प्रयोगशाला पुनः पूर्ण क्षमतामे स्वास्थ्य परीक्षण सेवा सुरु केलक अइछ । मधेश प्रदेश सरकारद्वारा सञ्चालित उक्त प्रयोगशालासँ अखन निजी क्षेत्रक प्रयोगशालाके तुलनामे न्यूनतम शुल्कमे दैनिक पाँच सओसँ बेसी व्यक्ति स्वास्थ्य परीक्षण कराबैत आएल अइछ ।
मधेश प्रदेश स्वास्थ्य प्रयोगशालाके निमित्त निर्देशक डा.नागेन्द्र यादवके कहब अनुसार प्रयोगशाला विभिन्न २ सओ ५६ प्रकारक परीक्षण सेवा सञ्चालन क रहल अइछ । वि.सं.२०७८ साल कातिक १५ गते स्थापना भेल प्रयोगशाला मधेश प्रदेशक आठो जिलाके एक सओ ३६ पालिकामे जनस्वास्थ्य प्रयोगशाला सञ्चालन क स्वास्थ्य परीक्षण सेवा दैत आएल निर्देशक डा. यादव बतौलैन । प्रयोगशालाके जनकपुरधामस्थित प्रयोगशाला आ विभिन्न पालिकासभमे सञ्चालित जनस्वास्थ्य प्रयोगशालासभसँ आर्थिक वर्ष २०८२/८३ मे आठ लाख ५५ हजार ५ सओ ८२ गोटेके स्वास्थ्य परीक्षण कएल गेल निर्देशक डा. यादव जानकारी देलैन ।
हुनक कहब अनुसार उक्त अवधिमे जनकपुरधामस्थित प्रयोशालासँ दू लाख तीन हजार ५ सओ ८७ आ स्थानीय तहमे सञ्चालित जनस्वास्थ्य प्रयोशालासँ ६ लाख ५१ हजार ९ सओ ९५ गोटेके स्वास्थ्य जाँच कएल गेल छल । प्रयोगशाला आव २०८२/८३ मे स्वास्थ्य परीक्षणसँ चाइर करोड़ ७६ लाख ५२ हजार ८७ राजस्व सङ्कलन कएने छल । निर्देशक डा. यादवके कहब अनुसार जनकपुरधामस्थित प्रयोशलामे कएल गेल स्वास्थ्य परीक्षणसँ दू करोड़ ७५ लाख ५२ हजार ५ सओ २२ आ स्थानीय तहमे सञ्चालित जनस्वास्थ्य प्रयोगशालामे कएल गेल स्वास्थ्य परीक्षणसँ दू करोड़ ९९ हजार ५ सओ ६५ सहित चाइर करोड़ ७६ लाख ५२ हजार ८७ राजस्व सङ्कलन कएल गेल ।
प्रयोगशाला ज्येष्ठ नागरिक तथा दीर्घरोगीसभकेँ शुल्कके ९० प्रतिशत आ आपाङ्ता भेल व्यक्तिसभकेँ ५० प्रतिशत छुटमे स्वास्थ्य परीक्षण क रहल जनौलक अइछ । हाल सञ्चालनमे रहल ‘इन्टिग्रेटेड’ सेवा प्रणाली सेवाग्राहीकेँ एक स्थानसँ विभिन्न प्रकारक स्वास्थ्य परीक्षण करेबाक सुविधा प्रदान कएने अइछ ।(रासस)
