आज्ञा खबर
सिन्धुली
सिन्धुली जिला केर खेत-पथारमे हरियाली देखाए लागल छै। साउन महिनाक पहिल सप्ताह धरि ७७ प्रतिशत धानक रोपनी पूरा भ’ चुकल अछि। कृषि विकास कार्यालय, सिन्धुली अनुसार मौसम, पानीक उपलब्धता आ भौगोलिक विविधता केर हिसाबसँ बाँकी २३ प्रतिशत रोपनी सेहो भदौ महिनाक पहिल सप्ताह तक पूरा भ’ जाए के अनुमान कएल गेल अछि।
कृषि प्रसार अधिकृत उमादेवी श्रेष्ठ कहलनि जे एहि वर्षक रोपनी पूर्ण लक्ष्य भेटत से अपेक्षा कैल जा रहल अछि। यद्यपि, गेल वर्ष ई आँकड़ा ९७ प्रतिशत धरिए सीमित रहल छल।
गाम अनुसार रोपनीक रफ्तार
सिन्धुली जिलाक नव टा स्थानीय तहमे रोपनीक प्रगति अलग-अलग देखल गेल अछि। साउनक पहिल सप्ताह धरि प्राप्त तथ्यांक अनुसार, सुनकोशी गाउँपालिका ८७ प्रतिशत रोपनी संग आगाँ अछि। ओकरा बाद क्रमशः घ्याङ्लेख, कमलामाई, तीनपाटन, गोलन्जोर, मरिण, हरिहरपुरगढी आ फिक्कल गाउँपालिकामे रोपनीक प्रगति देखल गेल अछि।
सबसँ पछाड़ि रहल अछि—दुधौली नगरपालिका, जतए केवल ६२ प्रतिशत रोपनी पूरा भेल अछि।
रोचक तथ्य – जे जगह सभसँ बेसी उपज दैत अछि, ओतए रोपनी सभसँ कम!
सिन्धुलीक कृषि परिदृश्यक एकटा अनौठ बात ई छैक जे दुधौली नगरपालिका उच्च धान उत्पादनवाला क्षेत्र मानल जाइत अछि। मुदा एहि साल ओतए रोपनी सबसे कम भेल अछि। कारण स्पष्ट अछि—पानीक अभाव। सिँचाइके सुविधा नहि हेबाक कारणेँ रोपनीमे ढिल भ’ रहल अछि।
दुधौली संगे तीनपाटन आ मरिण सेहो धान उत्पादनमे आगाँ मानल जाइत अछि, कारण ओतए उर्वर माटि आ सिँचाइ सुविधा उपलब्ध छै। दोसर दिस, गोलन्जोर गाउँपालिका जिलामे धान उत्पादनक हिसाब सं पाछू मानल जाइत अछि।
सिँचाइ आ आकाशे पानीक भर
जतए सिँचाइक सुविधा अछि, ओहिठाम रोपनी जल्दी पूरा भ’ रहल अछि। मुदा जे गाम आकाशे पानी पर निर्भर अछि, ओतए किसान लोकनि अबहुँ धरि वर्षा केर बाट जोहि रहल छथि। एही कारणेँ भदौ महिना धरि रोपनीक प्रक्रिया लम्बा सकैत अछि।
धानक किस्म आ खेती योग्य भूमि
सिन्धुली जिलामे कुल ६९ हजार २५३ हेक्टर खेती योग्य भूमि अछि। ओहिमे सऽ लगभग ११ हजार १८८ हेक्टर भूमि वर्षे धानक लागि उपयुक्त मानल जाइत अछि। एही जिलामे मकवानपुर–१, रामधान, सावित्री, कतर्नी आ विभिन्न हाइब्रिड जातिक धान सभक खेती होइत अछि।
