आज्ञा खबर
मलंगवा
नेपाल–भारत सीमा नियरा सर्लाहीमे एक गोटे युवक स्रोत नै खुलल १४ लाख रुपैयासँ पकड़ायल छथि। सशस्त्र प्रहरी भारतसँ नेपाल अबैत समय ओहि व्यक्तिकेँ रूपैया संग नियंत्रणमे लेने छथि, कारण रूपैयाक स्रोत बारे जानकारी नहि भेटल।
पकड़ायल व्यक्ति मलंगवा नगरपालिका–२ निवासी ३६ वर्षिय इन्द्रजित प्रसाद साह छथि। सशस्त्र प्रहरी उपरीक्षक देवबहादुर चन्दक अनुसार साहकेँ मलंगवा नगरपालिका–८ केर दशगजा सीमा क्षेत्रसँ पकड़ल गेल। ओ भारतीय नम्बर प्लेट (९द्यच् घण् प् द्धण्ण्ढ०) रहल मोटरसाइकल पर नेपाल प्रवेश क’ रहल छलाह।
प्रहरीक अनुसार बरामद १४ लाख रुपैयाक स्रोत स्पष्ट नहि भेल अछि। प्रारम्भिक जाँचसँ ई आशंका कएल जा रहल अछि जे ई रुपैया अवैध हुण्डी कारोबारमे प्रयोग भ’ रहल होयत। हाल प्रहरी एहि मामिलामे आगाँक अनुसन्धान जारी रखने अछि।
नेपाल–भारतक खुल्ला सीमाक कारण सीमावर्ती क्षेत्रसभमे यैसँ मिलल-जुलल अवैध कारोबार बारम्बार होइत रहैत अछि, जाहिसँ सुरक्षा चुनौती सेहो बढ़ैत जा रहल अछि।
