अज्ञा खबर
काठमाण्डौ
रूपन्देही–३ मे होमय बला उपनिर्वाचन सन्दर्भ मे रणनीति बनेबाक लेल मधेशकेन्द्रित दल सभक गठबन्धन संघीय लोकतान्त्रिक मोर्चा बैठकक आह्वान केने छै।
संभावित संयुक्त उम्मेदवारके निर्णय करबाक लेल मोर्चा आगामी मंगलदिन विशेष बैठक करत। मोर्चाक नेता केशव झाले जनौलनि जे ई बैठक काठमाण्डूक शंखमुल चोक स्थित होटल ए–वन प्यालेस मे दिउँसो २ बजे सँ शुरू हएत।
बैठक मे उपनिर्वाचन संबंधित निर्णय मात्र नहि, बल्कि निजामती सेवा ऐन आ संवैधानिक नियुक्ति सभ पर सेहो गंभीर चर्चा होएत, मोर्चा द्वारा जनावल गेल अछि।
संघीय लोकतान्त्रिक मोर्चा मे तराई–मधेश आधारित दल सभ शामिल अछि, जे वर्तमान राजनीतिक समीकरण मे निर्णायक भूमिका मे छथि। मोर्चा रूपन्देही–३ मे साझा उम्मेदवारी देबाक तैयारी क’ रहल अछि।
एहि सँ पहिने सेहो मोर्चाक नेतासभ लोकतान्त्रिक मूल्य आ मधेशक अधिकारके सुनिश्चित करबाक उद्देश्यसँ एकताक साथ चुनाव मे जएनाइ के संकेत देने छलाह। मंगलदिनक बैठक सँ उम्मेदवार चयन सँ ल’ क’ मोर्चाक आगामी रणनीति स्पष्ट होएबाक अपेक्षा कएल जा रहल अछि।
