आज्ञा सम्वाददाता
जनकपुरधाम
शनिवार राति कमला नगरपालिका–८ मा घर भई जनकपुरधाम–१९ मा आफ्नो मामाको घरमा बस्दै आएका १८ वर्षीय मुकेश मुखियामाथि गोलीहान्ने।
उनको आफ्नै साथीलाई प्रहरीले पक्राउ गरेको छ । पक्राउ पर्नेमा धनुषाको जनकपुरधाम उपमहानगरपालिका वडा नं. १९ शिवपुरका २५ वर्षीय रुपेश यादव रहेको जिल्ला प्रहरी कार्यालय धनुषाका प्रहरी प्रवक्ता जितेन्द्र बस्नेतले जानकारी दिए ।
आइतवार साँझ घटना पश्चात भारत तर्फ भाग्दै गरेको यादवलाई धनौजी गाँउपालिका वडा नं. ४ स्थित नेपाल भारतीय सिमा क्षेत्रमा पक्राउ गरिएको प्रवक्ता बस्नेतले बताए ।
अनुसन्धान गर्दा गोली लागेका मुकेश मुखिया र गोली हान्ने रुपेश यादव साथी रहेकोमा मुकेश आफ्नो मामाको किराना पसलमा बसिरहेको अवस्थामा रुपेशले ल्याएको पेस्तोल ल्याएकोमा त्यसै पेस्तोलबाट गोली चल्दा मुखिया सख्त घाइते भएको प्रवक्ता बस्नेतले बताए । उनले दुवै जना साथी नै रहेको र तिनीहरुबीच कुनै विवाद नरहेको भन्दै खेलाँचीमै गोली लागेको अनुसन्धानबाट खुलेको बताए ।
गोली लागि घाइते भएका गम्भिर घाईते भएका मुकेशको हाल काठमाण्डौ स्थित नर्भिक अस्पतालमा उपचार भईरहेको छ ।
