आज्ञा खबर
सिरहा
सिरहा जिलाक लहन नगरपालिका–५, खुट्टीधार लग मे पड़यल पर्तीटोलमे दुकानक समान चोरी भेल विवाद दुखद रूप लेलक आ एक महिला के जान गेलक अछि।
आई शुबह दुकान चोरीक आरोपक कारण भेल झगड़ामे स्थानीय मो. सदिक मियाँक ५० बर्खक पत्नी नुरजहाँ खातून केँ मारपिट केल गेल, जाहिसँ हुनक मृत्यु भ गेल। स्थानीय लोकनिक कहब अछि जे चोरीक बशानाक भेल विवाद झगड़ामे बदलि गेल आ आरोपित परिवारक सदस्य लोकनि सामूहिक रूप सँ हुनक बेरहमी सँ पिटलक।
घायल नुरजहाँ केँ स्थानीय लोकनि तुरन्त बचा कऽ लहनस्थित रामकुमार शारदा उमाप्रसाद मुरारका प्रादेशिक अस्पताल लए गेल रहथिन, मुदा चिकित्सक लोकनि हुनका मृत घोषित कएलथिन।
जिल्ला प्रहरी कार्यालय सिरहाक प्रवक्ता, प्रहरी नायब उपरीक्षक रमेशबहादुर पालक अनुसार, घटनामे संलग्न तीन महिला समेत चार गोटे केँ नियन्त्रणमे लिअल गेल अछि। हुनक कहब अछि — “मृतकक शव परीक्षणक लेल धरानस्थित बीपी कोइराला स्वास्थ्य विज्ञान प्रतिष्ठान पठायल गेल अछि।”
स्थानीय लोकनिक अनुसार, मृतक खातून खुट्टीधार किनारमे छठ घाट लगमे किराना दुकान चलबैत रहथिन। शनिचर शुबह एक युवक दुकान सँ सामान चोरलक कहि हुनक दादाजी स सुन देलथिन। तहिसँ युवकक परिवारक सदस्य लोकनि “हमर पोताकेँ चोर कहलौ?” कहिक बेरहमी सँ मारपिट केलथिन।
प्रहरीक कहब अछि जे घटनाक विस्तृत अनुसन्धान सुरु भऽ गेल अछि आ पिटमारमे आन लोकनिक संलग्नता सेहो भऽ सकैत अछि, एहिपरि अनुसन्धान आगू बढ़ैत अछि।