आज्ञा खबर
बर्दिबास, महोत्तरी
महोत्तरी जिला अन्तर्गत गौशाला नगरपालिका–५, मछली बजार क्षेत्रमे शनिचर शुबह एक युवकक लाश भेटल अछि। स्थानीय लोकनि लाश देखला पश्चात प्रहरीके जानकारी देलथिन।
इलाका प्रहरी कार्यालय गौशालाक इञ्चार्ज प्रहरी निरीक्षक रमेश लामाक अनुसार मृतक सर्लाही जिलाक हरिपुर्वा नगरपालिका–९, मिर्चिया निवासी २५ वर्षक रामानन्द बैठा छथि। घटनास्थल पर पहुँचल प्रहरी टोली मुचुल्का उठैनेबाक बाद लाशके पोस्टमार्टम लेल प्रादेशिक अस्पताल जलेश्वर पठौने अछि।
स्थानीय लोकनिक कहल अनुसार बैठा पछिला तीन–चार बरखसँ गौशालास्थित विभिन्न होटलमे काज कएत अपन गुजर–बसर कए रहल छलाह। किछु दिनसँ ओ स्वास्थ्य समस्या सँ पीडÞित रहलथिन आबुखारसे सेहो ग्रस्त छलाह।
प्रहरीक प्रारम्भिक अनुमानक अनुसार अत्यधिक मादक पदार्थ सेवनक कारण हुनक मृत्यु भ’ सकैत अछि। तथापि, मृत्यु के वास्तविक कारण पोस्टमार्टम रिपोर्ट आबैके बादे पुष्टि भ’ सकत, प्रहरी कहल अछि।
वर्तमानमे इलाका प्रहरी कार्यालय गौशाला घटनासम्बंधी आगू अनुसन्धान कए रहल अछि।