महोत्तरी । महोत्तरीको एकडारा गाँउपालिकामा गोठमा आगलागी हुँदा करिब ६५ हजार बराबरको धनमाल नष्ट भएको छ ।
जिल्ला प्रहरी कार्यालय महोत्तरीको अनुसार शुक्रवार बिहान ३ बजे एकडारा गाँउपालिका बस्ने हरीशंकर रामको फुसको गोठ घरमा मच्छर धपाउनका लागी बालएिको घुर बाट अचानक आगो सल्की आगलागी हुँदा गोठमा बाँधीएको एक वटा बाख्रा जलेर मृत्यु भएको छ भने एक वटा गाई र गाईको बच्चा आगोमा पोलेर घाईते भएको जनाईएको छ ।
आगलागीमा रामको फुसको गोठघर पूर्णरुपमा जलेर नष्ट भएको छ भने बाख्रा सहीत बिभिन्न समानहरु लगायत अन्दाजी ६५ हजार मुल्य बराबरको धनमाल जलेर नष्ट भएको प्रहरीले जनाईएको छ ।उक्त घटनामा कुनै कसिमिको मानवीय क्षती नभएको र घटना सम्बन्धमा थप अनुसन्धान भई रहेको जिल्ला प्रहरी कार्यालय महोत्तरीले जनाएको छ ।
साभार :शिरिष न्यूज
