खाज्ञा सम्वाददाता
धनुषा
अटोमेटिक पेस्तोलसहित जनकपुरधामबाट दुई युवक पक्राउ परेका छन् ।
पक्राउ पर्नेमा महोत्तरीको जलेश्वर नगरपालिका ९ घर भई हाल जनकपुरधाम उपमहानगरपालिका ४ बस्ने ३० वर्षीय इन्द्रेशकुमार सिंह र महोत्तरीकै मनरासिस्वा नगरपालिका १ घर भई हाल जनकपुरधाम ८ बस्ने १९ वर्षीय लोटस भनिने अभिषेककुमार सिंह रहेका छन् ।
दुबैजनालाई जनकपुरधाम उपमहानगरपालिका वडानम्बर १० स्थित प्रादेशिक अस्पताल अगाडिबाट प्रहरीले पक्राउ गरेको हो।
ज. ७ प.७९३२ नम्बरको मोटरसाइकलमा रामानन्दचोकबाट जानकी मन्दिर तर्फ जाने क्रममा दुबैजनलाई पेस्तोलसहित नियन्त्रणमा लिएको धनुषाका प्रहरी प्रवक्ता डिएसपी जितेन्द्रकुमार बस्नेतले जानकारी दिए ।
दुवैलाई नियन्त्रणमा लिई हातहतियार तथा खरखजाना मुद्दा शीर्षकमा १० दिनको मुद्दा लिएर थप अनुसन्धान सुरु गरिएको बताईएको छ ।
