आज्ञा सम्वाददाता
बर्दिवास
९३ किलो गाजा सहित महोत्तरीबाट एकजना पक्राउ परेका छन्।
सशस्त्र प्रहरी मधेश प्रदेश छिन्नमस्ता बाहिनीले ९३ किलो प्रतिबन्धित गाँजा र ट्रक सहित चालकलाई पक्राउ गरेको हो ।
विशेष सूचनाका आधारमा छिन्नमस्ता बाहिनीबाट गएराति खटिएको स्क्वाड टोलीले ना ३ ख ६९३५ नम्बरको ट्रकलाई महोत्तरीको मनरा शिस्वा नगरपालिका वडा ३ सोनौल गाउँमा रोकेर चेकजाँच गर्दा उक्त ट्रकबाट ९३ केजी प्रतिबन्धित गाँजा बरामद भएको सशस्त्र प्रहरी बल मधेश प्रदेश छिन्नमस्ता बाहिनी बर्दिवास महोत्तरीका बाहिनीपति सशस्त्र प्रहरी नायव महानिरीक्षक गणेश ठाडा मगरले जानकारी दिए ।
पक्राउ परेका ट्रकका चालक धादिङ जिल्ला धार्केका ३६ बर्षीय रमेश तामाङ र ट्रक, गाजा नियन्त्रणमा लिई थप अनुसन्धनका लागि जिल्ला प्रहरी कार्यालय महोत्तरीमा बुझाउने तयारी भईरहेकोे सशस्त्र प्रहरी नायव महानिरीक्षक ठाडा मगरले जानकारी दिए।
