आज्ञासम्वाददाता
महोत्तरी
ट्र्याक्टरको रोटाभेटरमा परेर महोत्तरीमा एक बालकको ज्यान गएको छ ।
ज्यान जानेमा महोत्तरीको सोनमा गाउँपालिका–८ शिवनगरका कलाम हुसैनका पाँच वर्षीय छोरा अकसर अली रहेको जिल्ला प्रहरी कार्यालयका प्रवक्ता प्रहरी नायब उपरीक्षक प्रकाश विष्टले बताए ।
ट्याक्टर चालक स्थानीय महेश महराका छोरा २५ वर्षीय रामबाबुले बुधबार साँझ गाउँकै मुस्तकिम अन्सारीको खेतमा अनटेस्ट ट्याक्टरमा रोटाभेटर लगाई बालक अकसरलाई पनि आफूसँगैका सिटमा बसाएर खेत जोत्दै गर्दा अचानक तल झरेर रोटाभेटरमा परी उनको घटना स्थलमै ज्यान गएको प्रहरी नायब उपरीक्षक विष्टले बताए ।
घटनालगत्तै ट्याक्टर चालक महेश फरार भएका छन् भने प्रहरीले उनको खोजतलास व्यापकरुपमा गरिरहेको छ । यता बालक अकसरको शव परीक्षणका लागि गए राति जिल्ला अस्पताल जलेश्वर पठाइएको प्रहरीले जनाएको छ ।
