आज्ञा खबर
सिन्धुली
अब गुणस्तरीय उच्च शिक्षाको लागि राजधानी वा अन्य ठूला सहर धाउनुपर्ने समय बित्न थालेको छ। पछिल्लो समय सिन्धुली जिल्लामै यस्तो शिक्षाको पहुँच विस्तार भइरहेको छ, जसको नेतृत्व लिएको छ — सिद्धबाबा प्लस टु म्यानेजमेन्ट कलेजले। छोटो समयमै जिल्लाको शैक्षिक परिदृश्यमा यो संस्था एक उल्लेखनीय नाम बन्न सफल भएको छ।
विद्यार्थीलाई अब जिल्ला बाहिर जानुपर्ने बाध्यता हट्दै
विगतमा कक्षा १० उत्तीर्ण गरेपछि धेरै विद्यार्थी उच्च शिक्षा अध्ययनका लागि काठमाडौं, जनकपुरलगायत सहर जान बाध्य हुन्थे। तर अब सिद्धबाबा जस्ता शिक्षण संस्थाले जिल्ला भित्रै गुणस्तरीय पठनपाठनको अवसर दिँदै उक्त बाध्यता क्रमशः अन्त्य गर्दै छन्।
अनुभवी शिक्षक, आधुनिक प्रविधि र व्यक्तित्व विकास
सिद्धबाबा कलेजले स्थानीय र अन्यत्रबाट आएका अनुभवी शिक्षकमार्फत अध्यापन गराउँदै आएको छ। पुस्तकालय, कम्प्युटर ल्याब, प्रोजेक्टर प्रयोगमार्फतको पढाइ, छात्रवृत्ति सुविधा, र अतिरिक्त क्रियाकलापले विद्यार्थीको शैक्षिक मात्र होइन, व्यक्तित्व विकासमा समेत ध्यान दिएको छ।
२०८० सालको नतिजामा जिल्लामै उच्च प्रदर्शन
गत वर्षको परीक्षा नतिजा कलेजको शैक्षिक सफलताको प्रमाण हो। शतप्रतिशत नतिजा हासिल गरेको कलेजबाट २ जना विद्यार्थीले जिल्लामै पहिलो र २ जनाले दोस्रो स्थान प्राप्त गरे। यो उपलब्धि केवल अंकमा सीमित नभई शिक्षण पद्धति र व्यवस्थापनको प्रतिबिम्ब पनि हो।
विदेश अध्ययनका लागि छात्रवृत्तिमा सफलता
कलेजले अन्तर्राष्ट्रिय शिक्षा मार्गनिर्देशनमा पनि सशक्त भूमिका खेल्दै आएको छ। यसै वर्ष १ विद्यार्थी अमेरिकाको प्रतिष्ठित कलेजमा शतप्रतिशत छात्रवृत्तिमा छनोट भएका छन् भने ७ अन्य विद्यार्थी विभिन्न देशमा छात्रवृत्तिमा अध्ययन गर्न गएका छन्।
इन्ट्रान्स परीक्षामा ९० बढी सहभागी, दोश्रो चरण तय
असार ३१ गते सञ्चालन गरिएको इन्ट्रान्स परीक्षामा ९० भन्दा बढी विद्यार्थी सहभागी भएका थिए। कलेजप्रतिको यो चासोले समुदायमा यसको बढ्दो प्रभाव देखाउँछ। अभिभावकहरूको मागका कारण श्रावण ५ गते दोश्रो चरणको इन्ट्रान्स परीक्षा सञ्चालन गरिने घोषणा गरिएको छ।
सीट संख्या सीमित, आवेदनमा चाँडो गरौं
कलेज प्रशासनले सीमित सिटका कारण इच्छुक विद्यार्थीलाई यथासिघ्र आवेदन दिन आह्वान गरेको छ। कलेजका प्रिन्सिपल राहुल सिंह भन्छन्, “हामी विद्यार्थीलाई आत्मविश्वासी, प्रस्तुतिमा सबल र व्यवहारिक ज्ञानमा सम्पन्न बनाउने लक्ष्यमा छौं।” उनका अनुसार यो कलेज न केवल सिन्धुली, वरिपरिका जिल्लाका विद्यार्थीका लागि पनि अवसर बनेको छ।
ओरिएन्टेसनमा मोटिभेसन स्पीकर रमण भट्टराईको सहभागिता
नयाँ शैक्षिक सत्र प्रारम्भअघि विद्यार्थीलाई कलेजको नीति, कार्यशैली, अवसरबारे जानकारी दिन श्रावण ९ गते गणपति होटल, सिन्धुलीमाडीमा ओरिएन्टेसन कार्यक्रम आयोजना गरिनेछ। उक्त कार्यक्रममा मोटिभेसनल स्पीकर रमण भट्टराई विशेष अतिथिको रूपमा उपस्थित हुनेछन्।
स्थानीय विश्वास जित्दै, पलायन घटाउँदै
सिद्धबाबा कलेजले विद्यार्थी र अभिभावकहरूको विश्वास जित्न सफल भएको छ। स्थानीय स्तरमा यस्तो शैक्षिक संस्था सञ्चालन हुनु आफैंमा उल्लेखनीय उपलब्धि हो। यसले बाह्य सहरतर्फको शैक्षिक पलायनलाई समेत कम गर्ने संकेत दिएको छ।
सिन्धुलीको भविष्य: शैक्षिक हब बन्ने संकेत
सिद्धबाबा जस्ता संस्थाहरूको विकासले सिन्धुलीलाई शैक्षिक केन्द्रको रूपमा उभ्याउने सम्भावना प्रवल बनाएको छ। आगामी दिनहरूमा अन्य शैक्षिक धारहरूमा पनि गुणस्तरीय कार्यक्रम विस्तार भएमा सिन्धुली जिल्लाले शैक्षिक उचाइमा ऐतिहासिक उकालो लिन सक्ने देखिन्छ।