निकेश खनाल
बर्दिवास
महोत्तरीको बर्दिवासमा रक्तदान कार्यक्रम सम्पन्न भएको छ ।
बर्दिवास नगरईसाइ समाजको आयोजना र नेपाल रेडक्रस सोसाइटी उपशाखा बर्दिवासको प्राविधिक सहयोगमा बुधवार बर्दिवासको मुख्य बजार (चोक) मा रक्तदान कार्यक्रम गरीएको हो । जसमा ४१ जना पुरुष र २६ जना महिला गरि जम्मा ६९ जनाले रक्तदान गरेका छन् ।
अन्तराष्ट्रिय मजदुर दिबसको अबसरमा गरिएको रक्तदान कार्यक्रमको बर्दिवास स्थित रक्तसञ्चार केन्द्रमा रगतको अभाब हुँन नदिन तथा सरल सुलभ रुपले बिरामीलाई रगत उपलब्ध गराउने उदेश्य रहेको आयोजक संस्थाले जनाएको छ ।
बर्दिवास नगरपालिकाकी उप प्रमुख तारादेबी महतोको प्रमुख आतिथ्यतामा भएको रक्तदानको संयोजकत्व बर्दिवास नगरइसाई समाजका सदस्य खुमराज शाहीले गरेका थिए ।
