आज्ञा खबर
महोत्तरी
महोत्तरीको गौशालामा आइतवार आगलागी हुँदा लाखौको क्षती भएको छ ।
गौशाला नगरपालिका २ स्थित कठुधारको पश्चिमी टोलका स्थानीय सद्दाम धुनियाको एक तले कच्ची घरबाट सल्किएको आगो फैलिदा लाखौको क्षती भएको हो । बिगत केही दिनदेखी तराईमा चलेको हावाहुरी र अत्यधिक गर्मीका कारण आगलागीको घटनामा बृद्धि भएको देखिएको छ। आगलागीबाट धुनियाको एक तले कच्ची घर र परालको कुन्यु (टाल) खरानी भएर जलदा घरभित्रको अन्नपात, लत्ताकपडा, भाँडावर्तन, गरगहना र महत्वपूर्ण कागजपत्रसहित करिव ९ लाख मूल्य बराबरको धनमाल जलेर नस्ट भएको इलाका प्रहरी कार्यालय गौशलाका प्रहरी निरीक्षक मनोज यादवले जानकारी दिए ।
त्यस्तै धुनियाको घर नजिकैरहेको उनको भाइ मन्सुर नदाफको टिनको छानोे भएको घर र छिमेकी कयुम नदाफको १० कठ्ठाको परालको थुप्रो सहित ७० हजार रुपियाँ बराबरको धनमाल जलेर नास भएको अनुमान गरिएको छ । स्थानियले प्रहरीलाई आगलागीको सुचना दिनासाथ गौशालास्थित इलाका प्रहरी कार्यालयबाट र सशस्त्र प्रहरी बल रामनगरबाट खटेको ३६ जना सुरक्षाकर्मी तथा स्थानीय घटना स्थल पुगेर आगो नियन्त्रणमा लिएका थिए ।