आज्ञा खबर
काठमांडौ
राष्ट्रिय परीक्षा बोर्डले माध्यमिक शिक्षा परीक्षा (एसईई) कालागी जारी गरिएका अनुमतिपत्र खारेज गरेएको छ ।
परीक्षा बोर्डले
माध्यमिक शिक्षा परीक्षा (एसईई) को केन्द्र भित्र आधिकारिक व्यक्तिहरू बाहेकका अन्य व्यक्तिहरू गएको कारणबाट परीक्षार्थीहरूको लेखन कार्यमा असुविधा भएको भन्दै गुनासा आएकोले आज बिज्ञप्ती जारी गर्दै अनुमतिपत्र रद्द गरिएको जनाएको छ ।
अनुगमनका लागि खटिनु पर्ने आधिकारिक व्यक्तिहरू बाहेकका अन्य व्यक्तिहरू विभिन्न परीक्षा केन्द्रहरूमा गएको कारणबाट परीक्षार्थीहरूको लेखन कार्यमा असुविधा भएको भनी केही जिल्लाका केन्द्रहरूबाट गुनासाआएकोे विषयमा राष्ट्रिय परीक्षा बोर्डको गम्भीर ध्यानाकर्षण भएको छ ।
प्रदेश परीक्षा सञ्चालन तथा व्यवस्थापन समिति र जिल्ला परीक्षा समन्वय समितिसमेतका आधिकारिक पदाधिकारीहरू बाहेकका अन्य व्यक्तिहरूका लागि प्रदेश परीक्षा सञ्चालन तथा व्यवस्थापन समिति तथा जिल्ला परीक्षा समन्वय समितिबाट अनुगमनका लागि वितरण गरिएका अनुमतिपत्र रद्द गरिएको छ ।
अनुगमनकालागी आवश्यक परेमा त्यस्ता व्यक्तिहरूबाट पर्यवेक्षण मात्र गर्न लगाउन सकिने बोर्डले जनाएको छ । साथै परीक्षा केन्द्रलाई व्यवस्थित, भएरहित र शान्तिपूर्ण बनाई सहज रूपमा बनाउने वातावरण सिर्जना गरी सहयोग गर्न सम्बन्धित सबै सरोकारवालाहरूसँग समेत बोर्डले अनुरोध गरेको छ ।
