रामगोपालपुर नगरपालिकाको सातौ नगरसभा सम्पन्न ५३ करोड भन्दा वढी बजेट विनियोजन

[sharethis-inline-buttons]

आज्ञा खबर
महोत्तरीको रामगोपालपुर नगरपालिकाले आफ्नो सातौ नगरसभा सम्पन्न गरेको छ । मेयर राम दुलार साहले आर्थिक वर्ष २०७९÷०८० को लागि कुल रु.५३,८४,९४,०९७÷– विनियोजन गरेका छन । सो मा चालु तर्फ ३२,३०,९६,४५८.२० र पूंजीगत तर्फ २१,५३,९७,६३८.८० प्रस्ताव गरेका छन । उक्त रकम कुल बजेटको चालु तर्फ ६० प्रतिशत र पुंजीगत तर्फ ४० प्रतिशत रहेकोछ ।
चालू खर्चमा नेपाल सरकारबाट प्राप्त वितिय समानीकरण अनुदान, सशर्त अनुदान, राजश्व बांडफांड, रोयाल्टी र आन्तरिक आय (राजस्व) सामाजिक सुरक्षा, गरिवसंग विशेश्वर कार्यक्रम र मधेश प्रदेश तर्फको राजश्व वांडफांड रकम समेत समावेश गरिएको छ । चालु खर्चको विनियोजित रकमको खुद कार्यालय संचालन गर्न चालु खर्च जम्मा रु.८,८८,४९,०००।– (आठ करोड अठासी लाख उनान्चास हजार मात्र) रहेको छ । जुन बजेटमा समावेश गराईएको कुल चालु खचं रकमको १६.४९ प्रतिशत छ। रामगोपालपुर नगरपालिकाको कुल आन्तरिक आय राजस्व तर्फ अनुमानित रु. १,५५,००,०००।– (अक्षरेपि एक करोड पचपन्न लाख मात्र) प्रस्ताव गरिएको छ । नगरपालिकाको कुल बजेटमा आन्तरिक आयबाट करिव २.८७ प्रतिशत मात्र रहेको छ।
बजेट,नीति तथा कार्यक्रम प्रस्तुत गर्दै मेयर साहले प्राविधिक दृष्टिले उपयुक्त, सामाजिक रुपमा सन्तुलित एवं राजनैतिक रुपमा स्वीकार्य विकास प्राप्तिका लागी समन्वय कायम गर्दै विकासका सांझा गन्तव्य÷प्राथमिकता चयन गर्नुपर्ने विशिष्ट अवस्था, लामो राजनीतिक रिक्तता पछि नयां संरचना अन्तर्गत काम गर्नु पर्दाको अनुभवका कमी, जनप्रतिनिधिहरु नगरपालिकामा वहाल भईसकेपछि नगरवासीहरुको सन्तुलित विकास एवं सेवा प्राप्ति प्रतिको बढ्दो अपेक्षाको सम्बोधन, सिमित आन्तरिक श्रोत र संघिय अनुदानमा निर्भर विकास कार्यहरु संचालन गर्नुपर्ने पृष्ठभूमिमा आर्थिक वर्ष २०७९।०८० को बजेट, नीति तथा कार्यक्रम ‘सुखी नगरवासी समृद्ध नगर’ नाराका साथ सभामा प्रस्तुत गरेका छन ।
पुर्व स्वास्थ्य राज्यमन्त्री डा.सुरेन्द्र यादवको प्रमुख आतिथ्य,प्रदेश साँसद शारदा थापाको विशेष आतिथ्य तथा सरोज यादव लगायतका नेताहरु समेतको विशेष आतिथ्य तथा अन्य नेताहरु,नगरवासी र विशिष्ट पाहुनाहरुको उपस्थितिमा मेयर साहले कार्यक्रम र बजेट प्रस्तुत गर्दै रामगोपालपुर नगरपालिकाद्वारा प्रस्तुत बजेटको अक्षरस पाल्ना हुने र बजेटमा प्रस्तुत गरिएका शिर्षकहरुमा सफलताका साथ कार्यक्रमहरु संचालन गरिने मेयर साहले बताएका हुन ।
यता प्रमुख अतिथि डा.सुरेन्द्र यादवले रामगोपालपुर नगरपालिकाले ल्याएको बजेट नीति तथा कार्यक्रम उत्साहजनक रहेको बताउदै यसको सफलताको शुभकामना दिएका थिए ।
उनले शिक्षा,स्वास्थ्य र महिला हिंसा लगायतका विषयलाई नगरपालिकाले प्रमुखताका साथ सम्बोधन गरेकोमा पालिकालाई थप सल्लाह सुझाव समेत दिएका थिए ।
यता सभामा उपस्थित साँसद थापा लगायतका वक्ताहरुले समेत नगरप्रमुख साहलाई थोरै समयमा जनतालाई प्रत्यक्ष सकारात्मक प्रभाव पार्ने बजेट ल्याएकोमा नगरप्रमुखलाई धन्यवाद दिएका थिए ।