आज्ञा सम्वाददाता
महोत्तरी
नेपाली कांग्रेसका बर्दिवास नगरपालिकाका मेयर पदका उमेदवार चिञ्जिबी हमालले
मेयरमा जिते सबै पक्षसंग समन्वय गरेर काम गर्ने बताएका छन ।
महोत्तरीको बर्दिवासमा आयोजित घर दैलो तथा नागरीक भेटघाट गर्ने क्रममा उनले सोकुरा बताएका हुन। हमालले बिगतमा नागरिकले अपेक्षा गरे अनुसारको बिकास निर्माण लगायत नगरवासीको जिबन स्तर माथि उठन नसकेकाले मेयर पदमा जिते त्यसको स्वामित्व आफुले लिने बताए।
उनले नगरमा हुने भ्रष्टचारलाई जरैदेखि अन्त्य गर्ने प्रतिबद्धता व्यक्त गर्दै नगरलाई पूर्ण रुपले डिजीटलाइज गरेर नगद कारोबारलाई अन्त्य गर्ने र बिचौलियाले सेवाग्राहीलाई ठग्ने कार्यलाई पनि पूर्ण रुपले खत्ताम पार्ने बताए ।
उनले नेतृत्वमा पुगेपछि यसअघि भएका सम्पूर्ण गलत कामको फाइल खोलेर हरेक दोषीलाई कारवाही गर्न विभिन्न निकायमा सिफारिस समेत गर्ने बताए ।
