आज्ञा खबर
बर्दिवास
महोत्तरीको बर्दिबास–१४ स्थित एकीकृत बचत तथा ऋण सहकारी संस्था लिमिटेडले आज शुक्रबार चौथो साधारणसभामा सम्पन्न गरेको छ। बर्दिबास नगरपालिकाका नगरप्रमुख प्रल्हाद कुमार क्षेत्रीको प्रमुख आतित्यथा र संस्थाका अध्यक्ष उत्तमकुमार श्रेष्ठको अध्यक्षतामा सम्पन्न भएको हो ।

आर्थिक वर्ष २०७६÷०७७ मा स्थापित यो सहकारीले आर्थिक वर्ष २०७९÷०८० मा २२ लाख ६८ हजार ७१२ नाफा कमाएको छ ।
हाल एक हजार १९९ महिला र एक हजार ६६६ पुरुषगरी दुई हजार ८६५ सदस्यरहेको सहकारीे संस्थाको सेयर रकम एक करोड ५८ लाख २८ हजार ६००,रहेको छ। त्यसैगरी कूल बचत रकम नौ करोड ५८लाख ६५ हजार ८२२ र लगानीमा रहेको कूल ऋण रकम १० करोड ५५ लाख ३० हजार ४०४ रहेको सहकारीका सचिब विनोद अधिकारीले प्रस्तुत गरेको प्रतिवेदनमा उल्लेख छ ।

त्यसतै संस्थाको जगेडा तथा विभिन्न कोषमा ७८ लाख ९८ हजार ३०० र कूल दायित्व तथा सम्पति १४ करोड एक लाख चार हजार १५९ रहेको संस्थाका अध्यक्ष उत्तमकुमार श्रेष्ठले जानकारी दिए ।