आज्ञा खबर
बर्दिवास
महोत्तरी प्रहरीले चार सय किलोभन्दा बढी लागूऔषध गाँजासहित एकजनालाई पक्राउ गरेको छ ।
गएराति करिब २ बजेको समयमा जलेश्वर नगरपालिका १ स्थित जलेश्वरबाट बखरीतर्फ जाँदै गरेको ना ६ ख ७३७४ नम्बरको ट्रकलाई अस्थाई प्रहरी पोष्ट नगरपालिका, महोत्तरीबाट खटिएको प्रहरी गस्ति टोलीले शंकाको आधारमा ट्रकलाई चेकजाँच गर्दा २७ वटा लागूऔषध गाँजाको पोका बरामद गरेको जिल्ला प्रहरी कार्यालय महोत्तरीले जनाएको छ ।
प्रहरी प्रवक्ता प्रहरी नायव उपरीक्षक दिलीपकुमार गिरीका अनुसार प्रहरीले बरामद गरेको २७ वटा पोकागाँजा ४ क्विन्टल ५ केजी रहेको छ ।
प्रहरीले लागूऔषध गाँजासहित ट्रक र ट्रक सह चालक मकवानपुरको थाहा नगरपालिका २ बस्ने २२ वर्षीय विशाल थिङ्गलाई नियन्त्रणमा लिई आवश्यक कारबाहीको लागि जिल्ला प्रहरी कार्यालयमा राखेर थप अनुसन्धान थालेको जनाएको छ ।
