आज्ञा सम्वाददाता
धनुषा
प्रतिबन्धित ५ किलो गाँजासहित धनुषाबाट एकजना पक्राउ परेका छन् ।
पक्राउ पर्नेमा धनुषाको मिथिला नगरपालिका ६ ढल्केबर बस्ने ३१ वर्षीय किसुनदेव यादव रहेका छन ।
बरमझियाबाट प्र.२–०३–०१९ प १९४२ नम्बरको मोटरसाइकलमा डुमरिया तर्फ जाने क्रममा धनुषाको सबैला नगरपालिका १२ रघुनाथपुरबाट खटिएको प्रहरीले चेकजाँचको क्रममा उनले पिठ्युमा बोकेको झोलामा राखेको पाँच किलो गाँजासहित उनलाइ पक्राउ गरेको धनुषाका प्रहरी प्रवक्ता डिएसपी प्रदीपबहादुर क्षेत्रीले जानकारी दिए ।
पक्राउ परेका यादवमाथि थप अनुसन्धान भईरहेको जिल्ला प्रहरी कार्यालय धनुषाले जनाएको छ।
