आज्ञा सम्वाददाता
जनकपुरधाम
धनुषामा मोटरसाइकल रोकिएको ट्रकमा ठोक्किँदा तीनै जनाको मृत्यु भएको छ।
सोमबार राति जिल्लाको क्षिरेश्वरनाथ नगरपालिका–५ सिन्धुली टोलमा सडक छेउमा रोकिएको ना २ ख ८६२४ नम्बरको ट्रकमा लु ८३ प ८६५१ नम्बरको तीन जना सवार मोटरसाइकल ठोक्किएको थियो।
दुर्घटनामा परेर घाइते भएका तीनै जनालाई जनकपुरधामस्थित प्रादेशिक अस्पतालमा लैजादा चिकित्सकले मृत घोषणा गरेको धनुषाका प्रहरी प्रमुख प्रहरी उपरीक्षक बसन्त रजौरेले जानकारी दिए।
दुर्घटनामा परेर मृत्यु भएकामध्ये दुईजनाको मात्र सनाखत भइको छ। सनाखत भएकामा धनुषाको जनकपुरधाम उपमहानगरपालिका–४ का अन्दाजी १९ वर्षीय सुमित टिण्डेवाल र विदेह नगरपालिका वडा नं. ६ एकराहीका १८ वर्षीय मण्डल रहेका छन्।
अर्का एक जना मृतकको सनाखत हुन बाँकी छ। घटनाको सम्बन्धमा थप अनुसन्धान भइरहेको जिल्ला प्रहरी कार्यालय धनुषाले जनाएको छ।
