महोत्तरी – महोत्तरी प्रहरीले पेस्तोल र गोली सहित एकजनालाई नियन्त्रणमा लिएको छ ।
बधुवार साँझ बर्दिवास नगरपालिका–१३ बिजलपुरा डाँडाटोल स्थित विवाहको गाडीमा तोडफोड गर्दै गरेको अवस्थामा प्रहरी चौकी औरही तथा हातिलेटबाट खटिएको प्रहरी टोलीले सोही स्थान बस्ने करिव २८ वर्षिय लालबाबु भण्डारीलाई पक्राउ गरिएको जिल्ला प्रहरी कार्यालय महोत्तरीका प्रहरी प्रवक्ता तथा प्रहरी नायव उपरीक्षक प्रकाश विष्टले बताए ।
पक्राउ परेका भण्डारीको साथबाट प्रहरीले १ थान अटोमेटिक चाइनिज पेस्तोल, सो को म्याग्जीन १ थान र पेस्तोलमा लोड भएको मिस फायर गोली १ थान सहित पक्राउ जनाएको छ ।
पक्राउ परेका भण्डारीलाई ईलाका प्रहरी कार्यालय बर्दिवासमा राखी थप अनुसन्धान भईरहेको प्रहरी नायव उपरीक्षक विष्टले बताए ।
साभार: शिरीष न्यूज
