आज्ञा सम्वाददाता
महोत्तरी
महोत्तरीको मनरासिस्वामा एक महिला मृत फेला परेकी छिन। सम्सी गाउँपालिका–५ पोखरभिण्डा बस्ने सोगारथ साहकी पत्नी ५९ वर्षीया जिवशीदेवी शुक्रबार अपराह्न ५ बजे घाँस काट्न वनमा गएकी उनी मनरासिस्वा नगरपालिका–३ स्थित वनमा शुक्रबार राति मृत फेला परेकी हुन।
जिल्ला प्रहरी कार्यालयका प्रवक्ता तथा प्रहरी नायब उपरीक्षक प्रकाश विष्टका अनुसार
जिवशीदेवी रातिअबेर सम्म घर नफर्केपछि खोजतलास गर्दा वनमा मृत अवस्थामा फेला परेकी हुन्।
राति १० बजे पोखरभिण्डास्थित प्रहरी चौकीलाई खबर गरेलगत्तै घटनास्थल पुगेको प्रहरी टोलीले जाँचबुझ गर्दा उनको शरीरमा कुनै चोटपटक नदेखिएको जनाइएको छ।
स्थानीय तथा आफन्तले उनको मृत्यु सर्पदंश वा उच्च तथा अल्प रक्तसञ्चारका कारण भएको हुनसक्ने अनुमान गरेका छन्। प्रहरीले यसबारे अनुसन्धान गरीरहेकोे जनाएको छ।
