काठमाडौं ,चैत २६गते ।
(हाम्रो खेलकुद) प्रिन्स शाहीको उत्कृष्ट बलिङमा उत्तर प्रदेश क्लब–११ ले प्रो क्लब च्याम्पियनसिपमा ट्यालेन्ट हन्ट क्रिकेट एकेडेमीमाथि ८ विकेटको सहज जित हात पारेको छ ।७८ रनको सामान्य विजयी लक्ष्य उत्तर प्रदेशले ११.५ ओभरमा २ विकेट गुमाउँदै पूरा गर्यो । उसका विवेक सिंह ३३ बलमा ५ चौकासहित सर्वाधिक ३५ रनमा अविजित रहे ।
कप्तान शुभम चौधरी १५ बलमा ३ चौकासहित १७ रनमा अविजित छन् । राहुल कुमार १५ र नितिन राम १ रनमा आउट भए । मोहम्मद मोसहरार्फ र राज बमले १–१ विकेट लिए ।त्यसअघि सिद्धार्थ क्रिकेट रंगशाला भैरहवामा टस जितेर पहिला ब्याटिङ थालेको ट्यालेन्ट हन्ट १८.२ ओभरमा ७७ रनमा अल आउट भयो । आशिष रत्नम १६ र मोहम्मद उमरले २० रन बनाए ।
अन्य ९ खेलाडीले दोहोरो अंकमा रन बनाउन सकेनन् । प्रिन्स शाहीले ४ ओभरमा १५ रन खर्चेर ४ विकेट लिए । तेजस सिंहले ३.२ ओभरमा १३ रन खर्चेर ३ विकेट लिए । आजको दोस्रो खेलमा त्रिभुवन आर्मी क्लब र नेपाल एपिएफ क्लबबीच प्रतिस्पर्धाहुनेछ ।
