आज्ञा सम्वाददाता
रौतहट
एकीकृत समाजवादीका अध्यक्ष माधव नेपालको गृहनगरमा समाजवादी परित्याग गरि नेता कार्यकर्ता एमालेमा प्रवेश गरेका छन् । जिल्ला कमिटी सदस्य रामजी साहको नेतृत्वमा नेता कार्यकर्ताले पार्टी परित्याग गरी नेकपा एमाले प्रवेश गरेका हुन्
पार्टी प्रवेश गराउँदै आयोगका सदस्य यादवले देशमा पाँच दलीय गठबन्धनले एमाले विरुद्ध जति जालझेल गरेपनि दिनदिनै गठबन्धन त्यागेर एमाले प्रवेशको संख्या बढ्दै गएको बताए ।।
गौरस्थित एमाले पार्टी कार्यालयमा बुधबार एक कार्यक्रमका बीच रामजी साहसहित नव प्रवेशीहरुलाई एमाले केन्द्रीय लेखा आयोगका सदस्य राजकिशोर प्रसाद यादवले टीका र माला लगाई पार्टी प्रवेश गराएका थिए ।
साथै, गौर नगरपालिका वडा नम्बर ९ निवासी लोसपा निकट मुस्लिम संगठनका केन्द्रीय सदस्य शेख मन्जिर आलम पनि एमाले प्रवेश गरेका छन् ।