आज्ञा सम्वाददाता
पनकपुरधाम
नेपालका लागि बेलायती राजदूत निकोला पोलिटले सोमबार जनकपुरधामस्थित
मिथिला चित्रकलाको अवलोकन गरेकि छिन। अवलोकनको क्रममा राजदूत पोलिटले मिथिला चित्रकलाको प्रचारप्रसारमा लाग्ने बताइन् । उनले महिलाहरु सामूहिकरुपमा एकत्रित भई मिथिला कला क्षेत्रका लागि अग्रसर रहेकाले यसको बजारीकरण, व्यवसायीकरण तथा सहज व्यवस्थापन प्रति गम्भिर रहेको बताइन् । उनले मिथिला चित्रकलाका लागि आफूले सक्दो सहयोग गर्ने बताइन् ।
उनले आजै नारी विकास केन्द्रको निरीक्षण गर्दै मिथिला चित्रकलाको बजारीकरण, र अन्तर्राष्ट्रियकरणका लागि आफू सधै तत्पर रहेको बताइन् ।
सो अवलोकनको क्रममा जनकपुरधाम उपमहानगरपालिकाकी उपमेयर रिता झा मिश्रले सामूहिकरुपमा महिलाहरुको लगनशीलताकै कारण मिथिला चित्रकलाको चर्चा हुने गरेको बताइन् ।
जनकपुरधाम उद्योग वाणिज्य संघका अध्यक्ष जितेन्द्र महासेठले मिथिला चित्रकलाको व्यवस्थापन र बजारीकरणका लागि पूर्वाधार निर्माण गर्नु आवश्यक रहेको बताए ।
