काठमाडौं
शहीद स्मारक बी डिभिजन लिगमा छैटौं चरणको खेल सकिएको छ । छैटौं चरणमा पुगेर चर्च ब्वाइज युनाइटेडको अपराजित यात्रा टुङ्गिएको छ र श्री भगवती क्लब र सरस्वती युथ क्लब शीर्ष दुईमा उक्लेका छन् ।छैटौं चरणमा चर्च ब्वाइजलाई २(१ ले पराजित गर्दै श्री भगवती शीर्ष स्थानमा उक्लेको छ । श्री भगवतीले ३ जित ४ जित १ बराबरी र १ हारको नजितबाट १३ अंक जोडेको छ ।
पहिलो हारपछि चर्च ब्वाइज भने ११ अंकसहित तेस्रो स्थानमा झरेको छ ।यस्तै सरस्वती युथ क्लबले श्री कुमारसँग १(१ को बराबरी खेल्दै अंक बाँडेको थियो । ६ खेलबाट ३ जित र ३ बराबरीको नतिजा निकालेको सरस्वती अपराजित रहँदै १२ अंक जोडेर दोस्रो स्थानमा छ ।
अन्तिम तीन स्थानमा रहेको सामाजिक युथ क्लब, ब्वाइज युनियन र मध्यपुर युथ एसोसिएसनको समान ४ अंक छ । ब्वाइज युनियन र मध्यपुर रेलिगेसन जोनमा छन् । यस सिजन अन्तिमको दुई क्लब सी डिभिजन लिगमा घटुवा हुनेछन् ।
