आज्ञा सम्वाददाता
सर्लाही
फरार अभियुक्त पक्राउ गर्न पुगेका प्रहरीमाथि सर्लाहीमा आक्रमण भएको छ ।
पत्थरकोट प्रहरी चौकीका इन्चार्ज प्रहरी नायव निरीक्षक (सई) रामएकबवाल यादवमाथि लालबन्दी नगरपालिका वडा नम्बर १२ र १३ को सीमामा पर्ने झोलुङ्गे पुलमा आक्रमण भएको हो ।
बिहीबार राति फरार अभियुक्तलाई समात्न जाने क्रममा उनीमाथि स्थानीय युवाहरुले आक्रमण गरेको सर्लाही प्रहरी प्रमुख एसपी कृष्ण प्रसाईंले जानकारी दिए ।
घाइते यादवको काठमाडौंस्थित नेपाल प्रहरी अस्पतालमा उपचार भइरहेको छ ।
आक्रमण गर्ने समूह फरार भएको र उनीहरुको खोजी भइरहेको जिल्ला प्रहरी कार्यालय सर्लाहीले जनाएको छ।
