आज्ञा सम्वाददाता
रौतहट
रौतहटमा भारतीय गाडीको (स्कोर्पियो) ठक्करबाट एक महिलाको ज्यान गएको छ । विआर ०५ पिए ५००० नम्बरको गाडीको ठक्करबाट जिल्लाको गुजारा नगरपालिका ३ की ४० वर्षीय गीतादेवीको घटनास्थलमै ज्यान गएको प्रहरीले जनएको छ। गुजाराको पशुपति टोलमा भएको एक विवाह कार्यक्रममा आएका जन्तीले मदिरा सेवन गरेर गाडी चलाउँदा सो दुर्घटना भएको हो ।
जथाभावी चलाइएको उक्त गाडीको ठक्करबाट थुप्रै खसी बाख्रा मरेको प्रहरीले जनाएको छ। महिलालाई ठक्कर दिएपछी आक्रोशित स्थानीयवासीको भीडले स्कोर्पियोमा आगजनी गरेका छन् । आगजनीपछी गाडी पूर्णरुपमा जलेर नष्ट भएको इलाका प्रहरी कार्यालय चन्द्रनिगाहापुरका प्रमुख लिलाराज लामिछानेले बताए । उक्त गाडीको ठक्करबाट अर्की एक महिलापनी घाइते भएकी छन् उनको स्थानिय स्वास्थ्य संस्थामा उपचार भईरहेको र घटनाबारे थप अनुसन्धान भैरहेको प्रहरीले जनाएको छ ।