आज्ञा सम्वाददाता
बर्दिवास
प्रथम बर्दिवास मेयर गोल्डकप फुटबल अन्तरगत महोत्तरीको बर्दिवास रंगशालामा बिहीबार भएको दोश्रो खेलमा प्रतिभा युवा क्लब (गोलबजार) सिरहा समूह विजयी भएको छ । खेलको निर्धारीत समयमा दुबै पक्षको गोल हुन नसकेपछी पेनाल्टी सुटआउटमा गोलबजारले गाईघाट–११ उदयपुरलाई ५–४ गोलले हराएको छ ।
खेलमा प्रतिभा युवाका मेक्सल, युवराज श्रेष्ठ, आविष्कार खड्का, आकास राई र निश्चल लामाले गोल गरेका थिए । गाईघाटबाट देवराज चौधरी, दीपेश भुजेल, प्रितम चौधरी, प्रमिन श्रेष्ठले गोल गरेका थिए ।
बिहिवारको खेलमा प्रतिभा युवा क्लब (गोलबजार) सिरहाका निश्चल लामा म्यान अफ द म्याच घोषित भएर २ हजार ५ सय रुपैयाँ पाएर पुरस्कृत भएका छन । शुक्रबार सहलेस सिरहा र सिन्धुली डकाहाबीच खेलको प्रतिस्पर्धा हुनेछ ।
