आज्ञा सम्वाददाता
रौतहट
१ सय १२ औँ अन्तर्राष्ट्रिय नारी दिवसको अवसर पारेर रौतहटको कटहरिया नगरपालिकाका मेयर सियाराम कुश्वाहाले नगरभरिका महिला स्वास्थ स्वयंसेविकालाई सम्मान गरेका छन् ।
मेयर कुश्वाहाले कटहरिया नगरपालिका अन्तर्गत कार्यरत ५४ जना महिला स्वास्थ स्वयंसेविकालाई सम्मान गरेका हुन्।
मेयर कुश्वाहाले ५४ जना स्वास्थ्य स्वयंसेविकालाई दोसल्ला ओढाएर सम्मान गरेका हुन । सोही अवसरमा मेयर सियाराम कुश्वाहा र प्रमुख प्रशासकीय अधिकृत राम प्रकाश साहले संयुक्तरूपमा सम्पूर्ण महिला स्वास्थ्य स्वयंसेविकालाई सम्मान स्वरूप दोसल्ला ओढाएर जनही एकएक थान नोकिया कम्पनीको मोबाइल, एकएक थान एभेरेडी कम्पनीको २ सेलको टर्च लाइट र छाता प्रदान गरेका थिए ।
स्वास्थ स्वयंसेविकालाई जनही २ हजार ५ सय बराबरको सामानहरू प्रदान गरिएको प्रमुख प्रशासकीय अधिकृत साहले जानकारी दिए।
सो अवसरमा मेयर सियाराम कुश्वाहाले महिला स्वास्थ स्वयंसेविकाहरुको योगदानले समाज परिवर्तन भइरहेकाले उच्च कदर सहित सम्मान गरिएको बताए ।
