आज्ञा सम्वाददाता
सिन्धुली
सिन्धुलीको सिद्धबाबा टेलिभिजनमा कार्यरत सञ्चारकर्मी अञ्जन रानामगरको सवारी दुर्घटनामा परेर सोमबार निधन भएको छ । बीपी राजमार्ग हुँदै सिन्धुलीमाडीबाट खुर्कोटतर्फ जाँदै गर्दा कमलामाई नगरपालिका २ को ढंग्रे भन्ज्याङमा आफैंले चलाएको मोटरसाइकल दुर्घटनामा परी २७ वर्षीय रानामगरको घटनास्थलमै निधन भएको प्रहरीले जनाएको छ ।
भर्खरै निर्माण सम्पन्न भएको ढुंग्रे भन्ज्याङको पहिरोमाथि राखिएको सडकबारमा मोटरसाइकल ठोक्किएर रानामगर सडकबाट एक सय ५० मिटर तल खसेका थिए ।
सिन्धुलीको गोलन्जोर गाउँपालिका ४ तीनकन्या घर भएका राना प्रेस चौतारी सिन्धुलीका सहसचिव समेत रहेका थिए ।
