आज्ञा सम्वाददाता
काठमाडौ
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र सभामुख अग्निप्रसाद सापकोटा बीच बुधबार साँझ भेटवार्ता भएको छ ।
सभामुख सापकोटालाई भेट्न अध्यक्ष प्रचण्ड उनकै निवास लैनचोर पुगेका थिए । भेटवार्तामा संसदमा पेस भएको अमेरिकी अनुदान सहयोग मिलेनिय च्यालेन्ज कर्पोरेशन (एमसीसी)को विषयमा छलफल भएको श्रोतले जनाएको छ । भेटवार्तामा माओवादी नेता नारायणकाजी श्रेष्ठ पनि सहभागि थिए ।
त्यसैगरी आज दिउँसो एक बजे बस्ने प्रतिनिधि सभा बैठकमा एमसीसीबारे छलफल हुने सम्भावित कार्यसूचि रहेको छ । माओवादी केन्द्रले एमसीसीको विपक्षमा जाने निर्णय यसअघि नै गरिसकेको छ ।
सत्ता गठबन्धनको नेतृत्वकर्ता कांग्रेस र प्रधानमन्त्री शेरबहादुर देउवा जसरी पनि एमसीसी पास गर्ने पक्षमा रहेका छन् । एमसीसी संसदबाट अनुमोदन गराउन कांग्रेसले प्रयास गरिरहेको छ
यता, सत्ता गठबन्धनकै नेकपा (एकीकृत समाजवादी)ले पनि संसदबाट एमसीसी यथास्थितिमा पास गर्न नसकिने निर्णय गरिसकेको छ ।
