आज्ञा सम्वाददाता
झापा
झापाको मगमग चाउचाउ उद्योगमा आगलागी भएको छ । झापाको मेचीनगर–१४ दुहागढीस्थित मनसा फुडद्वारा उत्पादित मगमग चाउचाउ उद्योगमा आगलागी भएको हो । बिहान ५ बजेबाट सुरु भएको आगलागी नियन्त्रणकोलागि झापाका अधिकांश पालिका तथा मोरङका कानेपोखरी, उर्लाबारी, बेलबारीका दमकलले आगो निभाउने प्रयास गरिरहेका छन् । इलामबाट पनि दमकल आइरहेको प्रहरीले बताएको छ । सीमा पारी भारतबाट पनि दमकल बोलाउँन समन्वय भइरहेको प्रहरीले जनाएको छ ।
विद्युत् सर्ट भएर आगलागी भएको हुनसक्ने प्रहरीले प्रारम्भीक अनुमान गरेको छ । आगलागीको कारण क्षतिको विवरण आउन बाँकी रहेको बताईएको छ ।