आज्ञा सम्वाददाता
काठमाडौ
नेपालमा पछिल्लो २४ घण्टामा १ हजार ३ सय ६९ जना कोभिड संक्रमित थपिएका छन् । स्वास्थ्य मन्त्रालयका अनुसार ११ हजार ८ सय ८० नमुना परीक्षण गर्दा १ हजार ३ सय ६९ जना कोरोना संक्रमित थपिएका हुन् ।
यसैगरी पछिल्लो २४ घण्टामा कोभिड संक्रमणबाट थप १२ जनाको मृत्यु भएको छ भने २ हजार २ सय ३८ जना निको भएका छन् ।
यसैगरी देशभर सक्रिय संक्रमितको संख्या २९ हजार ४ पुगेको छ । पछिल्लो २४ घण्टामा २ लाख २० हजार ६०१ जनाले कोरोना भाईरस बिरुद्घको खोप लगाएका छन् ।
