सृष्टि क्षेत्री
महोत्तरी
पिकअपको ठक्करबाट महोत्तरीमा साइकल यात्रीको ज्यान गएको छ ।
सोनमा गाउँपालिका–३ स्थित हुलाकी राजमार्ग सडक खन्डमा गए राति पिकअपले ठक्कर दिँदा साइकलयात्री सम्सी गाउँपालिका–४ गैँढाभेटपुर का ४० वर्षीय वीरेन्द्र राउत बरईको ज्यान गएको जिल्ला प्रहरी कार्यालयका प्रहरी नायब उपरीक्षक प्रकाश विष्टले जानकारी दिए । हुलाकी सडकखण्डको सम्सीबाट रघुनाथपुर जाँदै गरेको ज १ च ११६४ नंबरको पिकअपले गएराति सोनमा–३ स्थित विपरीत दिशाबाट आउँदै गरेको साइकलमा सवार विरेन्द्रलाई ठक्कर दिँदा गम्भीर घाइते भएका थिए घाईते उनलाई उपचारका लागि जिल्ला अस्पताल लैजाँदै गर्दा बाटोमै मृत्यु भएको हो ।
ठक्कर पछी पिकअप चालक फरार भएका छन् भने मृतकको शव परीक्षणका लागि जिल्ला अस्पताल जलेश्वर पठाइएको बताईएको छ ।
