आज्ञा खबर
महोत्तरी
महोत्तरीको सम्सीबाट स्रोत नखुलेको आठ लाखभन्दा बढी रकमसहित दुई जना पक्राउ परेका छन ।
सशस्त्र प्रहरीले बिहीबार भारतबाट मोटरसाइकलमा नेपाल आउँदै गरेको अवस्थामा जिल्लाको सम्सी गाउँपालिका–३ बस्ने २८ वर्षीय रमेशकुमार साह र रामगोपालपुर नगरपालिका सहसौलाका ३२ वर्षीय अनिल चौधरीलाई पक्राउ गरेको हो ।
सशस्त्र प्रहरी बल, नेपाल बोर्डर ओउट पोष्ट पोखरभिण्डाबाट खटिएको टोलीले भारतबाट नेपालतर्फ आउँदै गरेको मधेश प्रदेश ०२–००६प–१६२१ नम्बरको मोटरसाइकललाई चेकजाँच गर्ने क्रममा दुवै जनाको साथबाट स्रोत नखुलेको ८ लाख १० हजार ९२० रुपैयाँ बरामद गरेको जनाएको छ ।
प्रहरीले पक्राउ परेका मानिस र रकमसहित अनुसन्धानको लागि जलेश्वर भन्सार कार्यालयमा बुझाइएको सशस्त्र प्रहरीले जनाएको छ ।
