उपभोक्तालाई एउटै छानामुनि गुणस्तरीय सामग्री उपलब्ध गराउने लक्ष्य
आज्ञा खबर
बर्दिवास
महोत्तरीको बर्दिवास बजार क्षेत्रमा लामो समयदेखि उपभोक्ताको विश्वास जित्दै आएको ‘घरसंसार डिपार्टमेन्ट स्टोर’ले आफ्नो सेवा विस्तार गर्दै दोस्रो शाखा सञ्चालनमा ल्याएको छ। शुक्रबार एक विशेष कार्यक्रमका बीच बर्दिवास–१४ स्थित मुख्य सडक क्षेत्रमा सञ्चालनमा ल्याइएको नयाँ स्टोरको उद्घाटन बर्दिवास नगरपालिकाका नगर प्रमुख प्रह्लाद कुमार क्षेत्री ले एक बिशेश समारोहका बिच गरेका हुन्।
करिब डेढ दशकदेखि दैनिक उपभोग्य सामग्री, खाद्यान्न, कस्मेटिक पेयपदार्थ,बिवाह ,ब्रतबन्ध बर्थ डे ,उत्सब,महोत्सबका समग्री बिक्री गर्दै आएको घरसंसार डिपार्टमेन्ट स्टोरले बढ्दो उपभोक्ता माग र बजार विस्तारलाई ध्यानमा राख्दै आफ्नो दोस्रो सेवा सुरु गरेको हो। बर्दिवासको व्यस्त बजार क्षेत्रमा करोडौँ रुपैयाँको लगानीमा सञ्चालनमा ल्याइएको यो स्टोरलाई आधुनिक सुविधा सम्पन्न किनमेल केन्द्रका रूपमा विकास गरिएको सञ्चालक पक्षले जनाएको छ।
उद्घाटन कार्यक्रममा बोल्दै नगरप्रमुख प्रह्लाद कुमार क्षेत्रीले बर्दिवासको व्यापारिक विकाससँगै आधुनिक बजार संस्कृतिको विस्तार भइरहेको उल्लेख गरे। उनले स्थानीय स्तरमा यस्ता व्यवस्थित गुणस्तरीय व्यापारिक संस्थाको स्थापना हुनु नगरको आर्थिक गतिविधिका लागि सकारात्मक पक्ष भएको बताए। “स्थानीय लगानी, स्थानीय रोजगारी र स्थानीय बजार प्रवर्द्धनमा यस्ता व्यवसायले महत्वपूर्ण योगदान पुर्याउँछन्,” उनले भने।
नगरप्रमुख क्षेत्रीले गुणस्तरीय सेवा र उपभोक्तामैत्री व्यवहार नै व्यवसायको दीर्घकालीन सफलताको आधार हुने उल्लेख गर्दै घरसंसार डिपार्टमेन्ट स्टोरले विगतदेखि कायम गरेको विश्वासलाई अझ बलियो बनाउनुपर्ने धारणा राखे। उनले स्थानीय उपभोक्तालाई सहज, सुलभ र गुणस्तरीय सेवा उपलब्ध गराउने कार्यमा नगरपालिकाले निजी क्षेत्रसँग सहकार्य गर्दै जाने पनि बताए।
नयाँ शाखामा खाद्यान्न, दाल, चामल, तेल, मसला, पेयपदार्थ, दुग्धजन्य सामग्री, स्न्याक्स, कस्मेटिक, घरायसी सामग्री तथा दैनिक उपभोगका अन्य सामग्री एउटै स्थानबाट खरिद गर्न सकिने व्यवस्था मिलाइएको छ। यो डिपाटमेन्ट स्टोरले उपभोक्तालाई सुपथ मूल्यमा गुणस्तरीय सामग्री उपलब्ध गराउने उद्देश्यले सेवा विस्तार गरिएको सञ्चालक परिवारले जनाएको छ।
स्टोरभित्र ग्राहकको सुविधालाई मध्यनजर गर्दै व्यवस्थित डिस्प्ले, आधुनिक बिलिङ प्रणाली, सहज पार्किङ तथा परिवारमैत्री किनमेल वातावरण तयार गरिएको छ। पछिल्लो समय साना सहरहरूमा पनि व्यवस्थित डिपार्टमेन्ट स्टोरप्रतिको आकर्षण बढ्दै गएको अवस्थामा घरसंसार डिपार्टमेन्ट स्टोरले बर्दिवासको बजारलाई नयाँ व्यापारिक पहिचान दिने अपेक्षा गरिएको छ।
स्थानीय उपभोक्ताले समेत एउटै स्थानबाट आवश्यक सामग्री खरिद गर्न पाउँदा समय र खर्च दुवै बचत हुने बताएका छन्। विशेषगरी महिला, कर्मचारी तथा व्यस्त जीवनशैली भएका परिवारका लागि यस्ता डिपार्टमेन्ट स्टोर उपयोगी बन्दै गएको उनीहरूको भनाइ छ।
व्यवसाय विस्तारसँगै स्थानीय युवालाई रोजगारीको अवसरसमेत सिर्जना भएको सञ्चालक पक्षले जनाएको छ। स्टोर सञ्चालनका लागि विभिन्न क्षेत्रमा कर्मचारी व्यवस्थापन गरिएको र आगामी दिनमा सेवा अझ विस्तार गर्ने योजना रहेको उनीहरूले बताएका छन्।
बर्दिवास पछिल्लो समय व्यापारिक केन्द्रका रूपमा विकसित हुँदै गएको छ। पूर्व–पश्चिम राजमार्गसँग जोडिएको महत्वपूर्ण उद्देश्य पूरा गर्न सहयोग गर्ने स्थानको रुपमा चिर परीचित बर्दिवास बढ्दो जनघनत्व तथा ग्रामीण क्षेत्रसँगको बजार पहुँचका कारण यहाँ व्यापार व्यवसायमा लगानी बढ्दो क्रममा छ। यही परिवेशमा घरसंसार डिपार्टमेन्ट स्टोरको दोस्रो सेवा विस्तारलाई स्थानीय व्यापारिक क्षेत्रमा सकारात्मक संकेतका रूपमा हेरिएको छ।
