आज्ञा खबर
बर्दिवास
सडक सुरक्षित बनाउने साझा अभियान यतिबेला महोत्तरीको बर्दिवासमा थप सुदृढ बन्दै गएको छ। लागू औषध नियन्त्रण ब्युरो शाखा कार्यालय बर्दिबास महोत्तरी, जिल्ला ट्राफिक प्रहरी कार्यालय महोत्तरी, इलाका प्रहरी कार्यालय बर्दिवास तथा नगर अस्पताल बर्दिबासको समन्वयमा मंगलवार मंगलवार गरिएको प्रयासमा ‘लागु पदार्थ सेवन चेकजाँच कार्यक्रम’ यसैको प्रत्यक्ष उदाहरण बनेको हो।

सो दिन बिहान ११ बजेदेखि दिउँसो २ बजेसम्मको तीन घण्टा गरीएको चेकजाँच बर्दिबास नगरपालिका–३, गौरिडाँडास्थित अस्थायी ट्राफिक प्रहरी पोष्टहुँदै बीपी राजमार्ग तथा पूर्व–पश्चिम राजमार्गको गन्तव्य भएर चलेका सवारी साधनहरूलाई रोक्दै त्यसका चालकलाई चिकित्सकीय सहयोगका साथै ‘ला.पा.से. (लागु पदार्थ सेवन) परीक्षण’ गरीनु

साधारण चेकिङ मात्रै नभएर बढ्दो सडक दुर्घटना, चालकको लापरवाही, मदिरा तथा लागुऔषध सेवनसँग जोडिएका घटनाहरू कम गर्ने माध्यम समेत हो। विशेषगरी बर्दिवाससंग जोडिएका महेन्द्र तथा बीपी राजमार्ग जस्तै व्यस्त र संवेदनशील सडकका लागि यस्तो परीक्षण अझै निर्णायक मानिन्छ।

१६ चालक परीक्षण, सबै ‘नेगेटिभ’

कार्यक्रमका क्रममा दुई पांग्रे र चार पांग्रे गरी १६ जना सवारीचालकको परीक्षण गरिएको थियो। परीषणमा सबै जनामा लागू पदार्थ सेवनको कुनै लक्षण वा प्रभाव नदेखिनु सुरक्षाकर्मीका लागि समेत उत्साहजनक परिणाम बन्यो।

दैनिक राजमार्ग प्रयोग गर्ने सर्वसाधारणका दृष्टिले पनि यो खबर आश्वासनका रूपमा आएको छ—‘कुनै चालकले लागुऔषध सेवन गरेका थिएनन्’ भन्ने तथ्य सवारी चालक जाँचका क्रममा आएकाले बर्दिवासको राजमार्ग भएर निस्किने यात्रुहरु सडकमा सुरक्षित हुँदैछन भन्ने सकारात्मक संकेत बनेको देखिन्छ।

समन्वयको सफल मोडेल

बर्दिवास नगरपालिकाले सञ्चालन गरेको एकमत्रै नगर अस्पताल बर्दिबास अस्पतालले प्राविधिक सहयोग उपलब्ध गराएको यो अभियानमा समन्वित कार्यनीतिको सफल उदाहरण बनेको छ। प्रहरी निकायबीचको सहकार्य, स्वास्थ्य संस्थाको संलग्नता र राजमार्गमा प्रवाह हुने सवारी सेवाप्रति जिम्मेवार भावनालाई यसले उजागर गर्छ।

यस्ता चेकजाँच कार्यक्रमहरू केवल कारवाहीका लागि मात्रै होइनन, सचेतना र सुरक्षा चेतनाको स्तर बढाउन पनि अत्यन्त प्रभावकारी बनेका प्रसस्त उदाहरण समाजमा छन्। मंगलवार गरीएको यस्तो किसिमको प्रयासले चालकहरूले समेत यो परीक्षणलाई सहज रूपमा लिएर सहयोग गर्नु सकारात्मक पक्ष बनेको छ।
बर्दिबास–गौरिडाँडा काडमाडौ र प्र्व पश्चिम महेन्द्र राजमार्ग खण्डमा दैनिक हजारौँ सवारीसाधन गुड्ने गर्छन्। सडकमा बढ्दो चाप, गति, र व्यस्त यात्रुको दबाबका कारण कुनै पनि क्षण दुर्घटना जोखिम बढ्न सक्छ। त्यसमाथि लागू औषध वा मदिरा सेवन गरी सवारीसाधन चलाउने घटनाले त जोखिम दोब्बर पारिदिन्छ। यही कारणले सुरक्षा निकायले सुरु गरेको यस्तो परीक्षणलाई निरन्तरता र विस्तार आवश्यक छ

। यस्तो साबधानी केवल राजमार्ग छेत्रमा मात्रै होइन,बर्दिवास नगर क्षेत्र र भित्रका बिभिन्न संवेदनशील स्थान, चोक–चौराहामा पनि यस्ता कार्यक्रम समय–समयमा सञ्चालन गरिनु जरुरी छ।
बर्दिवासको राजमार्गमा शुरु गरीएको यस पटकको परीक्षणमा १६ जनामध्ये एकजनामासमेत लागू पदार्थ सेवनको पुष्टि नभएको परिणामले सडक सुरक्षामा सकारात्मक वातावरण बनाएको छ। तर, सुरक्षा निकायका दृष्टिमा यो अन्तिम कार्य मात्रै होइन—यो त निरन्तर अभ्यास हो।

बर्दिवासमा रहेको लागुऔषध नियन्त्रण ब्युरो, शाखा,ट्राफिक प्रहरी र इलाका प्रहरी कार्यालय बर्दिवास अस्पतालको बिचको सहकार्यले बर्दिबास क्षेत्रमा ‘सुरक्षित सडक मिशन’ सफल बनाउन सहयोग गरिरहेको छ। यसले चालकलाई सचेत बनाउछ।
यात्रुलाई निश्चिन्त बनाई सम्पूर्ण यात्रागर्ने नगरिकलाई सुरक्षित बनाउने दिशामा नयाँ ऊर्जा थपेको छ।

यसमा नागरिकको जिम्मेवारी पनि उत्तिकै महत्वपूर्ण देखिएको छ।सुरक्षा निकायले परीक्षण गर्छन्, अस्पतालले सहयोग गर्छ तर अन्ततः सडक सुरक्षाको पहिलो जिम्मेवारी चालककै हो।
लागू औषध तथा मदिराबाटनै दुर्घटना नियन्त्रणमा ठूलो भूमिका खेल्छन्

बर्दिबासमा सम्पन्न ‘ला.पा.से. चेकजाँच’ केवल परीक्षण मात्र नभई एउटा मनोवैज्ञानिक सुरक्षा ढुक्कता पनि हो—राजमार्हमार्ग सुरक्षित हुन सक्छ र हुँदैछ। यस्ता कार्यक्रम नियमित रूपमा सञ्चालन भइरहने हो भने बर्दिबास मात्रै होइन, समग्र महोत्तरीका सडकहरू अझ सुरक्षित, व्यवस्थित र अनुशासित बन्नेछन्।