निकिता खनाल
बर्दिवास
बिगत लामो समयदेखी बर्दिवास नगरक्षेत्र भित्र सामाजिक अभियान्ताको रुपमा अग्रसर भई नगरकै सामाजिक योगदानमा बिशिष्ठ श्रेणीमा देखिन सफल बर्दिवास नगरपालिकाका मेयर प्रहलाद कुमार क्षेत्री र उनकी धर्म पत्नी मन्जु क्षेत्रीले बर्दिवासमा हाम्रो माया घर निर्माणार्थ शिव पुराण माहायज्ञको पहिलो दिन नै आफ्नो स्व. हजुरबुवा दल बहादुर क्षेत्री को नाममा २ कोठे भवन निर्माण गर्न रु. १५ लाख दान गरेर समाजिक अभियानमा एउटा ईटा थप्न पुनह सफल भएका छन्।
सोमवारबाट सुरु भएको माहायज्ञमा कथा श्रवण गर्न आउने संस्थागत र व्यक्तिगत दान गर्नेहरुबाट संकलन भएको २० लाख ३४ हजार रकम मध्ये क्षेत्री दम्पतीले १५ लाख दान गरेको मुल आयोजक समितीको सचिवालयले जनाएको छ ।
माहायज्ञमा अन्य रकम बर्दिवास नगर क्षेत्रका व्यवसायी, संस्था र व्यक्तिहरुले दानगरेर सहयोग गरेको माहायज्ञ मुल आयोजक समितिका प्रबक्ता चेत कुमार थापाले जानकारी दिए ।
त्यसैगरी माहायज्ञमा उदिपनारायण महतोले १ लाख २१ हजार,गौतम होटल बर्दिवास र लालगढमा कार्यरत कर्मचारीहरुले एक मुष्ट १ लाख १८ हजार ७ सय,हरिसयनी एकादशी समूह बर्दिवास, बर्दिवास उधोग बाणिज्य संघ, जनता बहुमुखी क्याम्पस बर्दिवास, बर्दिवास नेवार समाज र रोटरी कलवअफ बर्दिवासले संस्थागत रुपमा रु ५१ हजारका दरले सहयोग गरेको माहायज्ञ मुल आयोजक समितिले जनाएको छ ।
व्यक्तिगतरुपमा स्थानियहरु माधव पोखरेल र नरहरी गौतमले पनि जनही क्रमश ५१ हजार ५५५ र ५१ हजार सहयोग गरेको प्रबक्ता थापाको भनाई छ । सोमवार देखि सुरु भएको यज्ञमा मंगलवार देखि वाचन सुरु भएको माहायज्ञ २९ गतेसम्म जारी रहनेछ ।
