निबर्तमान मधेश प्रदेशसभा सदस्य यादव जेल चलान

[sharethis-inline-buttons]

आज्ञा खबर
महोत्तरी
मधेश प्रदेशका निबर्तमान प्रदेशसभा सदस्य कौशलकुमार यादवलाई जिल्ला आदालत महोत्तरीले पुर्पक्षका लागि जेल चलान गरेको छ ।
मधेस आन्दोलनका क्रममा वि.सं.२०७२ भदौ २५ गते विकको आन्दोलनकारीले हत्या गरेको थियो। उक्त प्रकरणमा संलग्न भएको आरोपमा गत शनिबार पक्राउ परेका पूर्वसंविधानसभा सदस्य यादवलाई न्यायाधीश फनेश्वरी घिमिरेको एकल इजलासले आज कर्तव्य ज्यान मुद्दामा पुर्पक्षका लागि जेल चलान गरेको हो । यादवलाई आगजनी मुद्दामा पाँच हजार जरिवानासमेत गरिएको स्रेस्तेदार नुतन झाको भनाई छ । ।

यादव तत्कालीन मधेसी जनअधिकार फोरम नेपालबाट २०६४ सालको संविधानसभा निर्वाचनमा महोत्तरीको क्षेत्र नम्बर ४ र २०७४ सालको निर्वाचनमा महोत्तरी निर्वाचन क्षेत्र नम्बर ४ (क) बाट प्रदेशसभामा निर्वाचित भएका थिए । महोत्तरी जिल्ला अदालतले वि.सं.२०८० मङ्सिर २८ गते सशस्त्र प्रहरी सहायक निरीक्षक विकको हत्या प्रकरणमा लोकतान्त्रिक समाजवादी पार्टी (लोसपा) नेपाल मधेस प्रदेशसभा संसदीय दलका नेता अभिराम शर्मासहित सातजनालाई जन्मकैदको फैसला सुनाएको थियो । सोही मुद्दामा महोत्तरी क्षेत्र नम्बर १ बाट निर्वाचित प्रतिनिधिसभा सांसद लक्ष्मी महतो कोइरी र पवन कापरलाई सफाइ दिएको थियो । रासस