आज्ञा खबर
बर्दिवास
महोत्तरीको बर्दिवास स्थित बर्दिवास नगरपालिकाले बिबिध कार्यक्रमको आयोजनागरी १७औं गणतन्त्र दिवस मनाएको छ ।
नगरपालिकाले मंगलवार साँझ बर्दिवासको मुख्य बजार (चोक) को सरसफाई गर्दै बजारको बिच सडकमा राखिएको गमलामा फुल रोपी सिन्धुली चोकमा रहेको पार्कमा दिप प्रज्वलन गरेर गणतन्त्र दिवस मनाएको हो।
त्यसैगरी बुधवार बिहान बर्दिवास नगरपालिकामा रहेको एकमात्र सरकारी अस्पताल बर्दिवास अस्पतालको सरसफई गरेर त्याहाँ उपचारकालगी भर्ना भएका बिरामीलाई फलफुल बितरण गरी दिवस मनाएको हो ।
दिवसको अवसरमा शुभकामना दिदै बर्दिवास नगरपालिकाका प्रमुख प्रह्लाद कुमार क्षेत्रीले नेपाली जनताको ठुलो त्याग र बलिदानपूर्ण संघर्षबाट प्राप्त गणतन्त्रलाई जनताको जनजिबिका संग जोडेर कामगर्न आफु सधै प्रयत्नशील रहेको बताए । उनले जनताले खोजेको र चाहेको गणतन्त्रको आभास हुने गरी काम गर्न चाहेको भएपनी नगरको सिमित श्रोत र साधनले धान्न नसकेको जनाए ।
नगर प्रमुखले देशमा भएको भ्रष्टाचार र कुशासनले गर्दा जनतामा चरम निराशा छाएको देखिएकोले देशमा सबैभन्दा ठुलो बिकास बिरोधि भ्रष्टाचारी भएको उल्लेख गरे ।
नेपाल रेडक्रस सोसाईटी महोत्तरी उप शाखा बर्दिवासको प्राविधिक सहयोगमा भएको कार्यक्रममा बर्दिवास भित्रका बिभिन्न राजनीतिककर्मी संघ संस्थाका प्रतिनिधि सञ्चारकर्मी नगरिक समाज लगायतको उपस्थिति थियो ।
