आज्ञा खबर
सिरहा
सलहेश युवा क्लब सिरहा अन्तर्राष्ट्रिय आमन्त्रित मेयर भोजपुर गोल्डकपको सेमिफाइनलमा प्रवेश गरेको छ । डाँगीहाट युथ क्लब मोरङलाई ४ शुन्य गोलको अन्तरले पराजित गर्दे सलहेश युवा क्लब सिरहा सेमिफाइनलमा प्रवेश गरेको हो
भोजपुर नगरपालिका–७, कोदार रङ्गशालामा मंगलवार भएको खेलमा सलहेश युवा क्लब सिरहाका तर्फबाट जर्सी स्टेफेन बिलोङले खेलको २६औँ र ७५औँ मिनेट दुई गोल गरे । सलहेशकै फोडे फोफनाले ५१औँ मिनेटमा एक गोल र आदित्य शाक्यले ८६औँ मिनेटमा थप गोल गरेका थिए ।
प्रतियोगिताको म्यान अफ द म्याच सलहेश युवा क्लब सिरहाका स्टेफेन विनोङ घोषित भए । उनले नगद पाँच हजारका साथमा मेडल प्राप्त गरे ।
प्रतियोगितामा त्रिभुवन आर्मी क्लब र खोटाङ भगवती स्पोर्ट्स क्लब यसअघिनै सेमिफाइनलमा पुगिसकेको छ ।
