राजकरण महतो
बर्दिवास
महोत्तरीको बर्दिबास नगरपालिका वडा नम्बर—१२ श्री राम जानकी आधारभूत विद्यालय बिजलपुरा अकुवान टोलको विद्यालय व्यवस्थापन समितिको अध्यक्षमा सुखलाल महतो निर्विरोध चयन भएका छन् । महतोको अध्यक्षतामा ७ सदस्य बिद्यालय ब्यवस्थापन समिति चयन गरिएको हो । बिद्यालयको अभिभावक भेलाबाट निर्विरोध दनौट गरीएको समितीको सदस्यहरुमा राजकिशोर महतो, बेचु विश्वकर्मा, रेखा देवी पासवान, सविता देवी पासवान र नैन देवी महतो रहेका छन् ।
७३ बर्ष अघि बसोबास भएको अकुवान टोलमा २०७८ सालमा मात्रै आधारभूत विद्यालय स्थापना भएको थियो । कक्षा तीनसम्म पढाई हुने विद्यालयमा जम्मा २ कोठा छन् । हाल बिद्यालयमा भौतिक पुर्वधार, खानेपानी, बिजुलीबत्ति, घेराबेरा, शिक्षकको समस्या रहेको छ । दलित तथा विपन्न समुदायका करीब १ सय बिद्यार्थी अध्ययनरत स्कूलमा हाल निर्वाचित विद्यालय व्यवस्थान समितिका अध्यक्ष महतोले विद्यायललाई सुविधा सम्पन्न बनाउनका लागि काम गर्ने प्रतिबद्धता जनाएका छन् ।
