निकिता खनाल
बर्दिवास
महोत्तरीमा बुधवार दिउँसो पोखरीमा डुबेर एक बालिकाको मृत्यु भएको छ ।
मृत्यु हुनेमा जलेश्वर नगरपालिका–३ मलिवाराका स्थानीय मङ्गल पाण्डेकी छोरी दुई वर्षीय रुचि पाण्डे रहेको जिल्ला प्रहरी कार्यालय महोत्तरीका प्रवक्ता प्रहरी नायव उपरीक्षक दिलीपकुमार गिरीले बताए ।
आफ्नै घर अगाडि खेल्दै गरेकी बालिका घरभन्दा ५० मिटर पर रहेको बरका पोखरीमा नुहाउने क्रममा सोही पोखरीमा उनको डुबेर मृत्यु भएको प्रहरीले बताएको छ ।
मृतक बालिकाको शव परीक्षणका लागि प्रादेशिक अस्पताल जलेश्वर पठाइएको र घटनाबारे अनुसन्धान भइरहेको प्रहरी नायब उपरीक्षक गिरीले जानकारी दिए ।
