आज्ञा खबर
बारा
बाराको अम्लेखगञ्ज ३ नं पुल नजिकै मंगलबार बस दुर्घटना भएको छ । दुर्घटनामा १८ जना घाइते भएका छन् ।
चितवनबाट जनकपुरतर्फ तीव्र गतिमा गुडेको ना ६ ख ९०३० नम्बरको यात्रुवाहक बस अनियन्त्रित हुँदा सडकबाट २० मिटर तल खसेको ईलाका प्रहरी कार्यालय सिमराले जनाएको छ ।
दुर्घटनामा घाइते हुने १८ जनामध्ये एक जना महिला गम्भीर रहेको ईप्रका सिमराका प्रमुख प्रदीप बहादुर क्षेत्रीले जानकारी दिए । गम्भीर घाइते भएकी महिलाको परिचय खुलेको छैन ।
तीव्र गतिमा गुडेको गाडी अनियन्त्रित भएर सडकबाट तल खसेको बसका घाइतेहरूलाई उपचारका लागि हेटौडा अस्पताल लगिएको प्रहरीले जनाएको छ ।
